2018 жылдың1 қыргүйегінен бастап «Алматыкітап» баспасы» ҚР БжҒМ және Нұр-Сұлтан, Алматы қалалары, Алматы, Жамбыл, Қарағанды, Түркістан облыстарымен бірлесіп, «Almatykitap-opiq.kz» пилоттық жобасы бойынша 13цифрлық оқулықтарды тестілеуді бастады:
- Оқыту орыс тілінде жүретін 3-сыныпқа арналған базалықоқулықтар: «Русский язык», «Литературное чтение», «Математика», «Информационно-коммуникационные технологии», қазақ тілінде оқытатын: «Математика», «Русский язык».
- Қазақ тілінде оқытатын мектептің 6-сыныбына арналған «Жаратылыстану», оқыту орыс тілінде жүретін «Естествознание» және «Русская литература».
- Қазақ және орыс тіліндегі 8-сыныпқа арналғаноқулықтар «География» және «Информатика».
«Almatykitap-opiq.kz» пилоттық жобасында 13 мектеп, 80 сынып (3, 6, 8 сыныптар) және 3000 оқушы қатыстырылды.
Нұр-Сұлтан қаласындағы № 85 жаңа мектепте жаңа жоба старт алып, Елбасы Н.Ә.Назарбаевқа «Almatykitap-opiq.kz» цифрлық платформасы таныстырылды.
«Almatykitap-opiq.kz» цифрлық платформасы–оқулықтардың дискідегі көшірмесі емес, бұлмұғалімдер мен ата-аналар арасындағы интерактивті байланысты,мультимедиалық оқыту мүмкіндіктерін біріктіретін платформа. Бұл –сынып журналы, оқушының күнделігі, үй тапсырмасы мәселелерін шешетін, пәнаралық байланыс негізінде бұған дейінгі сыныптарда өтілген материалдарды қайталауға мүмкіндік беретін платформа. Енді мұғалімге балалардың рефераттарын компьютерге көшіріп алу үшін флэшканың қажеті жоқ. Үй тапсырмасын компьютерде, планшетте немесе телефонда орындауға болады.
Қағаз оқулықтартек сыныпта жұмыс жасау үшін ғана сақталады. Олардың салмағы қанша жеңілдетілсе де,тасудың қажеті жоқ. Үйде оқушылар тек дәптерлермен және электрондық қосымшалармен жұмыс жасайды.
Пилоттық жобаның қорытындысы мамыр айында шығарылады, содан кейін электрондық платформаны жетілдіру жұмыстары жүргізіліп, 2019 жылдың қыргүйек айында жаппай пайдалануға ұсынылады.
Almatykitap-opiq.kz электрондық платформасының артықшылықтары:
Almatykitap-opiq.kz жүйесі пайдалануға өте ыңғайлы.
Ол үш сегменттен тұрады:
Бірінші сегмент: баспалық, ол баспа оқулықтарының мәтіндерін цифрлауға, оларды аудио жәнебейнефайлдармен толықтыруға, оқушыларға тапсырма ұсынуға, көлемді мәтіндерді қысқа да нақты етіп жүйелеуге мүмкіндік береді. Егер де мәтінде немесе тапсырмада қате кетіп қалса, жүйе оны дереу түзетуге көмектеседі.
Екінші сегмент: ҚР БжҒМ Қазақстанның мектептерінде пайдалануға ұсынатын, «Алматыкiтап баспасынан» жарық көретін 3,6,8-сыныптарға арналған баспа оқулықтарының аналогы, мұғалімге арналған немесе тікелей цифрлы оқулық.
Бұл сегментте сондай-ақ сынып журналы жұмыс істейді. Онда әрбір оқушының сабақ материаын меңгеру нәтижелері тіркеледі. 1-ден 100-ге дейінгі пайыз шәкілі оқушының сабақтағы төрттік бойынша немесе оқу жылындағы нәтижесін көрсетеді. Сондай-ақ әрбір параграф немесе әр сабақ бойынша сыныптың үлгерім мониторингін жүргізуге болады.
Оқушылар білімін тексеруде және білім жетістігі мониторингі бойынша қағазбастылық жұмыстарын барынша қысқарту – мұғалімге өте пайдалы.
Үшінші сегмент – оқушыларға арналған. Онда оқулық пен жұмыс дәптерінен ашық немесе жабық тест түрінде алынған барлық практикалық тапсырмалар болады. Бала оларды бірнеше қайтара орындай алады. Жүйе тапсырманың қаншалықты дұрыс немесе дұрыс емес орындалғанын анықтайды.
Бұл сегменттің артықшылығы – бала еліміздің, дүниежүзінің кез келген нүктесінде, үйде, кез келген уақытта жүйені өзін жаттықтыру үшін пайдалана алады. Оған қоса, оқушы және педагог сабаққа дайындалу кезінде кез келген тақырып бойынша платформада орналастырылған оқулықтардың материалдарын пайдалана алады. Мысалы, "Су" тақырыбы бойынша жүйе сыныбы мен пәніне байланыссыз, оқулықтарда берілген қажетті материалды тауып ұсынады. Бала оқулықтарда ақпараттар мен тапсырмалардыңспираль тәріздес құрылымда берілетінін байқай алады.